ПУТИН СЕ СРЕТНА СО КИМ: Цврст стисок на рацете и насмевка, еве што му порача рускиот претседател на лидерот на Северна Кореја
Рускиот претседател Владимир Путин денеска се сретна со севернокорејскиот лидер Ким Џонг-Ун на космодромот Восточни во Амур , на Далечниот исток на Русија.
Руските медиуми објавија видео од Путин како го пречекува Ким на космодромот, опкружен со официјални лица и фотографи. Севернокорејскиот лидер до самиот космодром дојде со својот воз.
Ким му се заблагодари на Путин за поканата да ја посети Русија, „ и покрај тоа што е зафатен “, објави руската новинска агенција ТАСС.
Breaking News: Russian President Vladimir Putin met North Korean leader Kim Jong Un at a cosmodrome in Russia’s Far East.#iPhone15#iPhone15Pro #Putin #KimJongUn # pic.twitter.com/mS2l9ZjQ7J
— Abidullah (@577_abidullah) September 13, 2023
„ Мило ми е што те видов . Ова е нашиот нов космодром“, рече Путин додека се ракуваше со Ким околу 40 секунди.
Според руските медиуми, Путин и Ким Џонг-ун ќе го посетат космодромот, а потоа ќе претседаваат со состанок на делегациите на двете земји.
Претходно, Дмитриј Песков, прес-секретар на рускиот претседател, изјави дека на разговорите меѓу двајцата лидери ќе се разговара за прашања за билатерална соработка, вклучувајќи ги економските врски и културната размена.
BREAKING: 🚨ウラジーミル・プーチン大統領と金正恩がソユーズ・ロケットの発射台に@RusEmbassyJ#金正恩 #Восточный#ボストーチヌイ宇宙基地
— Reiwa KuniChan【BREAKING】ElCantare💎 (@ReiwaKuniChan) September 13, 2023
Sep 13, 2023 #露朝情報#Путин #Putin #プーチン#ロシア情報 #プーチン情報 pic.twitter.com/RMHR5uAXXP
Според западните медиуми, можна причина за средбата се договорите за набавка на воена опрема.
– Присуството на Џо Чун Рионг укажува дека Северна Кореја и Русија ќе склучат некаков договор за купување на воена опрема – изјави Мајкл Маден, експерт за Северна Кореја во Стимсон центарот во Вашингтон.
И Москва и Пјонгјанг ги отфрлија претходните обвинувања на САД дека склучиле договори за оружје, но двете земји рекоа дека ќе ги зајакнат одбранбените врски.
