Радев: Европските барања јасно укажуваат дека РСМ треба да го промени уставот

Бугарскиот претседател Румен Радев смета дека решението за проблемите во односите со Македонија лежи во имплементацијата на Копенхашките критериуми за членство во ЕУ и во почитувањето на човековите права.

Тој нагласи дека Бугарија отсекогаш била двигател на европската интеграција на земјите од Западен Балкан.

Радев за грчката државна новинска агенција „АНА-МПА“ изјави дека „веќе нема потреба да се зборува за бугарското вето, бидејќи има јасен заклучок на Европскиот совет од јули минатата година и договорена е преговарачка рамка“.

„Овие европски, а не бугарски, барања јасно укажуваат дека Република Македонија треба да го измени својот Устав за да им даде можност на Бугарите да имаат уставна заштита и еднакви права додека се вклучени на еднаква основа со другите национални држави во оваа земја“, нагласи тој. 

Радев уште еднаш повика на отстранување на говорот на омраза и нападите врз Бугарите кои живеат во Македонија.