‘РЕВОЛУЦИЈА’ – Ова е првата земја во Европа која го воведе правото на менструално отсуство – трошоците ги покрива државата

Шпанскиот закон за сексуално и репродуктивно здравје, кој го вклучува правото на жените на менструално отсуство, стапи на сила во четвртокот.

Предлог-законот беше одобрен во парламентот во февруари. Министерката за еднаквост, Ајрене Монтеро, тогаш кажа дека тоа е историски ден за унапредување на правата на жените.

Оттогаш, усвоени се некои амандмани за да се олесни пристапот до абортус и промена на полот.

Менструалното отсуство не е вообичаена практика.

Во Тајван жените можат да останат дома само три дена во годината, а потоа добиваат само 50 отсто од платата. Во Јужна Кореја, работодавците мора да им дадат на жените еден слободен ден во месецот доколку тоа го побараат, но законот не регулира кој плаќа за тоа.

За да го остварат правото на менструално отсуство, на жените во Шпанија им е потребно одобрение од доктор. Времетраењето на отсуството во принцип не е ограничено.

Според законот, зависи од тоа колку жени имаат болни менструации и колку дена трае болката. Трошоците за отсуство ги покрива државата.