РЕЦЕПТ ЗА НАЈДОБРА ПРЖЕНА ЗЕЛКА: Сите што ја пробале велат дека е повкусна од месото, а се прави многу ЛЕСНО
Пржената зелка е еден вид деликатес кој го обожаваат и најголемите гурмани, па одвојте малку време и пробајте го рецептот кој е пред вас, сигурно нема да зажалите!
Состојки:
- 1 свежа зелка
- 3 јајца
- 50 гр кисела павлака или грчки јогурт
- 1 лажица густин
- 3 лажици брашно
- суви билни зачини по вкус
- мелен пипер по вкус
- лук во прав по вкус
Подготовка:
Исечете ја зелката на половина. Секоја половина исечете ја на подебели „шницли“, дебели околу 3-4 см, но така што секој исечен дел да се исече со коренот. На тој начин зелката нема да се распадне при бланширање. Имав главица зелка од 1,3 кг и добив пет „шницли“, шестата се распадна бидејќи немаше доволно корења за да ја држи. Но, тоа не беше проблем, се јадеше и тоа слатко.
Истурете вода во поширока и подлабока тава, додадете една лажичка сол и оставете да зоврие. Додадете ја исечената зелка во зовриената вода и бланширајте ја околу една минута. Внимателно извадете го во цедалка и оставете го додека ја подготвувате смесата за пржење, пишува recepti.com.
Смеса за поховање: Искршете ги јајцата во соодветен сад, додадете зачини по вкус и изматете ги со жица за матење (само добро да се соединат). Додадете павлака или грчки јогурт и соединете со јајцата. На крајот додадете ја смесата од брашното и згуснувачите и сето убаво изматете, да не остане ниту една грутка брашно.
Во тавче со нелепливо дно (како и за секое пржење) сипете масло и загрејте го на средна температура. Секое парче зелка поминете низ смесата за пржење и ставете на загреаното масло. Кога долната страна ќе се испржи, внимателно превртете ја за да се зарумени и другата страна. Испржената зелка извадете ја во соодветен сад.
