Светскиот шампион во пикадо законски не смее да купува пикадо, казната е 6.000 евра

Сензацијата со пикадо и нов светски шампион Лук Литлер (17) законски не може да купи пикадо никаде во Велика Британија.

Лук Литлер втора година по ред се најде во фокусот на светската спортска јавност со доминантниот настап на Мундијалите. Минатата година беше запрен во финалето како дебитант, а сега отиде чекор понатаму и преку Михаел ван Гервен стигна до титулата светски првак.

Но, без разлика што е светски првак, Лук Литлер нема право да купува пикадо во својата земја кои се неопходни за играње.

Неговата клучна „алатка“ за кампањата за титулата светски првак мора да ја купи или некој постар од него, или да ја направи на друго место, надвор од Велика Британија.

Имено, малку познат закон во Велика Британија забранува пикадо да се продаваат на малолетници бидејќи се класифицирани како артикли со старосна граница како ножеви.

Острината на стрелката ги прави потенцијално опасен предмет што може да се купи само кога луѓето ќе наполнат 18 години. Доколку пикадото се продаде на Литлер или на кој било друг малолетник, продавницата ќе се соочи со казна од 5.000 фунти или 6.000 евра.

Младиот Литлер заработил 960.000 евра од играње пикадо само во 2024 година и веќе надминал милион евра заработка во текот на својата кратка кариера.