Седум навики со кои си го уништувате црниот дроб

Покрај познатите фактори на ризик како што се прекумерното консумирање алкохол и прекумерната употреба на лекови, постојат и други фактори кои можат негативно да влијаат на здравјето на црниот дроб.

За да го заштитите здравјето на црниот дроб, не ги игнорирајте овие штетни навики.

Премногу газирани пијалоци

Д-р Ентони Пуополо наведува дека не е изненадување што прекумерното консумирање алкохол може да предизвика заболувања на црниот дроб, но тоа не е единствениот пијалок кој е исклучително деструктивен за црниот дроб, тоа се газираните пијалоци.

Истражувањата покажаа дека луѓето кои пијат премногу од овие пијалоци имаат многу поголем ризик од развој на неалкохолно заболувања на црниот дроб, а исто така постои и ризик од воспаление, фиброза, па дури и цироза. Ако пиете многу од овие пијалоци, време е да престанете и да ги замените со вода.

Земате премногу суплементи

Триста Бест, нутриционист, наведува дека непотребните суплементи дефинитивно имаат негативно влијание врз здравјето на црниот дроб.

„Ве советувам да ги земате само оние витамини и суплементи препорачани од вашиот лекар. Некои од природните препарати можат негативно да се одразат на црниот дроб и бубрезите, па може да дојде до запек, а токму тоа е причината зошто претходно треба да разговарате со вашиот лекар. Додатоците мора да се растворат во телото како храната, а вишокот ќе се филтрира преку црниот дроб и бубрезите и на крајот ќе се излачува преку урината. Големите количини на непотребни суплементи можат само да му предизвикаат поголем напор на црниот дроб“, вели таа.

Лоша исхрана

Кингсли нè потсетува дека лекарите со причина ги нагласуваат здравите навики во исхраната и урамнотежената исхрана, а црниот дроб не може да поднесе сè што ќе му приредите. Премногу лоша храна многу лесно може да влијае на прекумерната работа на црниот дроб и да го поттикне да ги складира сите вишок маснотии што не успеал да ги разложи.

Ова јасно може да доведе до воспалителни процеси и оштетување на клетките на црниот дроб. Накратко, лошата исхрана и нездравите навики во исхраната го ставаат црниот дроб во состојба на постојана работа сè до моментот кога веќе не може да ја врши својата работа и да функционира правилно и ќе дојде до оштетување на органот.

Недостаток на сон

Кингсли вели: „За жал, повеќето луѓе не разбираат како недостатокот на сон може негативно да влијае на здравјето на телото. Покрај сите можни неволји, недостатокот на сон особено ќе го оштети црниот дроб поради оксидативниот стрес кој може да ја попречи способноста на телото да ги преработува мастите, а резултатот може да биде зголемување на телесната тежина, развој на дијабетес и срцеви заболувања.

Црниот дроб е еден од органите кои работат најтешко во телото, па затоа треба да имаме најмалку 8 часа одмор додека спиеме за да функционира правилно. Кога станува збор за постојан недостаток на сон, процесот на елиминација на токсините е попречен и црниот дроб ќе се оштети. Затоа, обидете се да спиете најмалку 8 часа за да му дозволите на црниот дроб да се одмори и да работи непречено во текот на денот.

Недостаток на физичка активност

Кингсли истакнува дека одржувањето на седечки начин на живот е исклучително опасно за вашето здравје поради многу причини, а една од нив е тоа што е главен фактор на ризик за развој на неалкохолни заболувања на црниот дроб. Недостатокот на активност промовира развој на воспаление, фиброза и неалкохолно замастување на црниот дроб.

Важно е да најдете рамнотежа и да обрнете внимание на тоа колку време поминувате седејќи и да вклучите активности во секојдневниот живот, кои ќе му овозможат на црниот дроб без прекин да ја врши својата работа и да остане здрав.

Претерано уживате во алкохолот

Сите сме свесни за штетните ефекти што алкохолот може да ги има врз нашето тело, особено кога станува збор за црниот дроб. Но, некои луѓе сè уште се изненадени од фактот дека не секогаш е потребно прекумерно консумирање алкохол за да предизвика сериозна штета.

Ако сте здраво возрасно лице, консумирањето алкохол повремено во мали количини е прифатливо однесување, но ако имате семејна историја на алкохолизам или заболување на црниот дроб поврзано со алкохол, ограничете ја потрошувачката на минимум или, уште подобро, целосно исклучете го алкохолот.

Под постојан стрес сте

Прекумерната и долготрајна изложеност на стрес лошо влијае на целото тело, вклучително и на црниот дроб. Истражувањето на Универзитетот во Единбург покажа можна поврзаност помеѓу високите нивоа на психолошки стрес (симптоми на анксиозност и депресија) и смртните случаи како резултат на разни заболувања на црниот дроб.

Иако овие резултати бараат понатамошна научна евалуација, многумина во медицинската заедница признаваат дека постојат врски помеѓу умот и телото. Традиционалната кинеска медицина со илјадници години проповеда дека повеќето органи се поврзани со емоциите.

„Повеќето луѓе не сфаќаат дека црниот дроб е поврзан со гневот на начин што гневот го блокира протокот на енергија на црниот дроб“, велат лекарите.