Сите детали за влашката прослава во Црна Гора од милион евра! Брена пееше за 50.000 евра, а Слоба за 20.000 евра! Гостите јадеа со златен прибор (ФОТО)

Минатиот викенд се одржа прослава во Црна Гора, за која регионот сè уште зботува. Водителот Урош Божиќ на својот Инстаграм профил изјави дека прославата се одржала на брегот на морето и чинела дури еден милион евра, а гостите ги забавувале Лепа Брена и Слоба Радановиќ.

Како што пишуваат балканските медиуми, оваа манифестација е една од најскапите влашки прослави што некогаш биле организирани на овие простори. Се одржа во Добре Вода кај Бар, а целата плажа и хотел на морскиот брег беа резервирани за гостите на веселбата. Дека газдата не штедел пари за крштевката на внуците докажува и фактот што само украсите чинеле над 50.000 евра. Покрај традиционалната кујна, на менито имало морска храна, стек и највкусни деликатеси од целиот свет. Се послужуваше најскапиот шампањ, а сите гости јаделе со златен прибор.

Посебно се внимаваше кој ќе ги забавува гостите, па на забавата пееја Лепа Брена и Слоба Радановиќ кои со своите песни ја подигнаа атмосферата на највисоко ниво. Само за музика сопственикот дал повеќе од 120.000 евра.

Слоба ги воодушеви сите присутни и за тоа доби хонорар од 20.000 евра. По него за сума од 50.000 евра настапи една од најголемите романски машки ѕвезди Флорин Салам, а на крајот како шлаг на тортата се појави и Лепа Брена. И таа, како и нејзиниот колега од Романија, за овој настап доби 50.000 евра.

Познато е дека Брена не настапува често на приватни забави од ваков тип, но, според приказната на присутните, навистина направила спектакл.

Покрај хонорарот, на пејачката и’ бил платен авионски превоз, а престојувала во еден од најскапите хотели на црногорското приморје. На крајот од нејзиниот едночасовен концерт, огнометот го осветли целиот брег.