Скандал во БиХ: Судија обвинет дека зел поткуп од речиси 1.500 евра за да намести натпревар од домашното првенство

Кантоналното обвинителство на Херцеговско-неретванскиот кантон поднесе обвинителен акт против фудбалскиот судија Илија Живковиќ од Орашје поради постоење основано сомнение дека сторил кривично дело „примање подарок и други облици на корист“ локалниот портал Klix.ba.

Општинскиот суд во Чапљина во целост го потврди обвинението за кривичното дело од член 380 ст. 1 КЗ на Федерацијата Босна и Херцеговина.

Тој е осомничен дека пред натпреварот од Првата лига на Федерацијата на Босна и Херцеговина во Габела во својство на одговорно лице како судија побарал и примил подарок во износ од 3.000 конвертибилни марки (околу 1.500 евра) на фудбалски натпревар.

Се наведува дека тој, заедно со К.Б., бил делегиран да суди одредени фудбалски натпревари како судија на А листата на Првата лига на Федерацијата Босна и Херцеговина и постапил спротивно на одредбите од Кодексот на однесување на членови на фудбалската организација на Фудбалскиот сојуз на федерацијата на Босна и Херцеговина, со барање и примање од раководството на клуб подарок во износ од 3.000 марки, а на 13.10.2019 година требало да суди натпревар на стадионот Габела во градот Чапљина.

Во согласност со законот, Обвинителството на обвинетиот му предложи мерки за безбедност, како забрана за јавувања, активности или функции , како и забрана за вршење на сите функции и должности во Фудбалскиот сојуз на Босна и Херцеговина, како и сите натпревари организирани од наведеното здружение.

Предложено е и да му се одземе имотна корист во износ од 3.000 марки (околу 1.500 евра) , а општинскиот суд во Чапљина закажа рочиште за 30.01.2024 година во 11:00 часот.