Тинејџер починал додека се качувал по вештачки карпи, а по два часа оживеал : „Ова е буквално чудо“
Често гледаме деца со овие нарушувања кои се враќаат во живот по неуспешна реанимација, изјави докторот
Семи Берко , тинејџер од Мисури Сити во Тексас, САД, доживеал срцев удар додека се качувал на вештачка карпа. Го достигна врвот и наеднаш телото му се опуштило. Другите во теретана на почетокот не беа сигурни дали се шегува или се онесвести. Кога сфатиле дека е во несвест, полека го спуштиле. Лекарите од итната помош веднаш излегле на местото на настанот и почнале да го оживуваат младиот човек. По два часа рекоа – готово е.
Мајката на Семи, Џенифер , и нејзиниот сопруг, Крег, се скршиле и седнале до мртвото тело на нивниот син да се простат.
– Му кажав колку го сакам и колку ми е жал што не можевме да му помогнеме. Почнав да се молам. Мојот сопруг наеднаш ме понесе и ми рече, Боже, се движи!, изјави мајката на оживеаното момче за FOX .
Лекарите повторно се втурнале околу до неодамна мртвото тело и веднаш го известиле семејството дека иако е жив најверојатно ќе има последици поради недостиг на кислород во мозокот толку долг период. Но, дури и тоа се покажа како неточно бидејќи, како што се испостави подоцна, младиот човек имал само краткотрајна амнезија како резултат на тоа.
– Не се сеќавам на ништо тој ден. Последно на што се сеќавам е ноќта кога заспав пред да одам на качување, а потоа се разбудив во шок соба и татко ми постојано ми кажуваше што се случило и дека морам да се сеќавам на тоа – рекло момчето
Сепак, патот до закрепнување не е лесен. Семи мора да оди на физикална терапија за да ги залечи повредите на ногата и кичмата, а лекарите конечно открија како се случило ова чудо. Младиот човек, всушност, боледува од CPVT, многу ретко генетско нарушување на срцето, објасни д-р Стејси Хил за FOX .
– Често гледаме деца со овие нарушувања кои се враќаат во живот по неуспешна реанимација, но најчесто завршуваат со оштетување на мозокот. Случајот на Семи за мене е вистинско чудо – изјавил докторот.
Семи наскоро ќе се врати дома, иако во инвалидска количка, но верува дека повторно ќе оди.
– Знам дека ќе биде чудно повторно да научам да одам, но всушност е неверојатно што воопшто сум жив и забележав дека искуството ме промени. Сакам да правам нешто ново секој ден, да живеам максимално – рече тој.
FOX заклучува дека оваа приказна е особено незаборавна бидејќи само три години претходно, нивниот прв син Френки починал поради истата генетска мутација .
