ТОА Е ИБРА – ЕГО ДО НЕБО, ДОЛГ ЈАЗИК И НЕРЕАЛНА ХАРИЗМА – Поранешен соиграч од Барса откри луда приказна: Пред тренинг само кажа…
Украинскиот фудбалер Дмитри Чигрински, соиграч на Златан Ибрахимовиќ во Барселона, откри интересна анегдота од периодот кога ја делел соблекувалната со познатиот голгетер во каталонскиот гигант.
Шведскиот фудбалер и еден од најдобрите напаѓачи во светот, Златан Ибрахимовиќ, мина само една година во Барселона, а сезоната 2009/2010 остана запаметена по неговите наводни конфликти со тренерот Пеп Гвардиола и неговите соиграчи. Ибрахимовиќ во втората полусезона не ни зборуваше со Гвардиола, а се шпекулираше дека е во војна со водечките играчи на каталонскиот клуб Меси, Чави и Иниеста. Златан во една прилика изјави дека Меси и другите играчи се „послушни ученици“ на Гвардиола, додека пак изјави дека познатиот стручњак само се преправа дека е филозоф и всушност е лоша личност.
Чигрински, кој таа сезона настапуваше за Барселона, беше во одличен однос со Ибрахимовиќ.
„Најмногу се дружев со Ибрахимовиќ и Максвел, бидејќи Златан живееше во истиот хотел како мене. Не возев, па одев на тренинзи со него. Златан беше исклучително интересен лик”, вели Цигрински и открива:
„Тој им кажа на сите дека е најдобар на светот. Се сеќавам како ми рече пред тренинг: „Овие луѓе не разбираат дека го имам квалитетот на Меси и Роналдо заедно“.
Чигрински во Барселона пристигна во летото 2009 година од Шахтјор за неверојатни 25 милиони евра. Се очекуваше да биде големо засилување за Каталонците, а на крајот се покажа како еден од најголемите неуспеси на каталонскиот клуб.
Помина само една година во клубот и се врати во Шахтјор.
„Не се вклопив во тимот. Бев под постојан притисок, Пеп се обидуваше да ме смири, но не успеа. Не успеав да се докажам и тоа ми е јасно. Сепак, почестен сум да сум бил таму, иако не играв. Да се биде меѓу најдобрите играчи, иако си најлош меѓу нив е нешто што не е срам за мене“, заклучи Украинецот.
