Тошковски: Факт е дека постои хибриден напад врз државата

Министерот за внатрешни работи, Панче Тошковски, изјави дека „факт е дека има хибриден напад врз државата и дека факт е дека во последните денови имаше пожари на четири критични точки“.

Тошковски не сакаше да открие детали за истрагата за неодамнешните пожари во Скопско, но рече дека постојат основи за сомневање и индиции за вмешаност на над дваесет лица.

На прашањето дали мотивот за овие хибридни напади преку палење, а со тоа и загрозување на здравјето на граѓаните, е соборување на оваа влада, министерот за внатрешни работи кратко одговори дека постојат такви индиции и дека нишката „почнува да се открива“.

Тој негираше дека овие настани ќе влијаат на локалните избори во земјата.