Трагедија во Белгија: Голманот одбрани пенал и почина, имаше само 25 години

Тој одбрани пенал во второто полувреме на мечот против Вестрозебек, а потоа падна на теренот. Брза помош пристигнала, но не можеле да го спасат младиот голман. На лице место го реанимирале половина час, а потоа итно бил пренесен во блиската болница.

За жал, тие не можеа да му помогнат на Еспел.

-,,Го одбрани пеналот, се обидуваше брзо да стане за да ја фати топката, но потоа само колабираше“, откри помошникот тренер по натпреварот.