ТРКА СО ВРЕМЕТО ЗА СПАС НА ПРЕЖИВЕАНИТЕ: Голем бројот на жртви од земјотресот во Јапонија, десетици илјади синоќа смрзнувале без струја

Бројот на загинати во силниот земјотрес со јачина од 7,6 степени според Рихтеровата скала што вчера ја погоди Јапонија и предизвика предупредување за цунами, се искачи на најмалку 30 лица.

Би-би-си ги пренесува изјавите на јапонскиот премиер Фуми Кишида дека земјотресот предизвикал бројни жртви и големи штети .

Се вели дека спасувачите се обидуваат да извлечат повеќе преживеани од урнатите згради , и покрај тешко оштетените и блокирани патишта што ги попречуваат нивните напори.

– Мораме да се тркаме со времето за да ги најдеме и спасиме жртвите од оваа катастрофа. Потврдени се многу штети, со бројни жртви, урнати згради и пожари – рече Кишида на состанокот на владиниот тим за одговор при елементарни непогоди.

Тој рече дека на спасувачите им е тешко да се пробијат до северниот крај на полуостровот Ното .

Се наведува дека претходната ледена ноќ без струја ја поминале околу 33.000 домаќинства , а без водоснабдување останале и многу градови.

Во потрагата по преживеани учествуваат околу 1.000 спасувачи кои веруваат дека се уште има луѓе затрупани под урнатините .

Јапонската армија им подели храна, вода и ќебиња на оние кои останаа без покрив над главата.

Предупредувањата за цунами сега се укинати во Јапонското Море , што значи дека повеќе не постои опасност од големи бранови да ја погодат копното.

Американскиот претседател Џо Бајден изјави дека САД се подготвени да и ја пружат сета потребна помош на Јапонија .