Турските власти не дале дозвола за свечена литургија во манастирот Сумела за Успение на Богородица

Надлежните власти во Турција оваа година не дале дозвола за одржување на Свечената литургија во манастирот Сумела за празникот Успение на Богородица на 15 август, соооштија од Вселенската Патријаршија, јави дописничката на МИА од Атина. 

Во православниот манастир во Турција секоја година се одржува Божествена Литургија на 15 августшто нема да биде случај и сега. 

-Ги информираме заинтересираните благочестиви Христијани дека оваа година нема да се изврши Божествена Литургија за празникот Успение на Богородица (15 август) во историскиот манастир на Пресвета Богодоцица Сумела, бидејќи не беше дадена потребната дозвола од надлежните власти, соопштија од Вселенскста Патријаршија.

Ќе се обидеме да го објасниме големото историско значење на Иконата на Пресвета Богородица Сумела

Според преданието на Православната Црква, иконата е дело на апостолот и евангелист Лука.

Етимолошки, името на иконата и на манастирот произлегува од името на планината, која се нарекува Мела, на која е изградена.

На грчки, „стоу мела“ значи „во Мел“, а на понтичкиот дијалект се изговара „соу Мела“. Затоа, тоа е Панагија на планината наречена Мела.

Во 386 н.е., двајца атински монаси, Варнава, и неговиот послушник Софрониј, го основале манастирот на планината Мела во Понт во Мала Азија, регион кој се наоѓа во денешна Турција, откако биле повикани од самата Богородица да го сторат тоа.
Иконата е пронајдена на крајот на четвртиот век од нашата ера во пештерата на планината Мела, а манастирот е изграден токму на оваа локација за слава на Бога. Иконата беше преименувана во Панагија Сомела.

Според преданието, светата икона на Панагија Атинотиса, која била иконографирана од евангелистот Лука, таму била пренесена од ангели.

Во текот на историјата, крадците и исламските трупи го нападнале манастирот поради неговото богатство од уметнички предмети. Меѓутоа, постојат многу релевантни референци за чудесната интервенција на Богородица за спасение на манастирот.

Во 1922 година, кога Грците од Мала Азија и Понт биле протерани од нивните предци, монасите ја сокриле иконата на Панагија Сомела, насликана од евангелистот Лука; рачно напишаното Евангелие препишано на пергамент од свети Кристофер; и светиот крст направен од дрвото дарувано од царот Мануел Комненос, во параклисот на Света Варвара.

Во тоа време, светата икона била погребана за безбедност – и останала закопана под манастирот околу триесет години.

Грција бараше враќање на иконата Панагија Сомела

Во 1931 година, митрополитот Ксантски Поликарп и министерот Поликарп Псомијадис побарале интервенција од грчкиот премиер Елефтериос Венизелос за да се ослободи иконата од нејзиниот земен гроб во Мала Азија.

Барањето беше одобрено од турскиот премиер Исмет Инону откако Венизелос побара од него дозвола да испрати монаси во манастирот на планината Мела за да ја извадат иконата и другите свети богатства.

Отец Амбросиј, кој беше еден од монасите на Панагија Сомела, беше избран од митрополитот Трабзонски Хрисант да го преземе ова посебно патување. Отец Амбросиос тргнал да оди во Турција на 22 октомври 1931 година. Турските војници и Грците тесно соработувале заедно за да се најдат непроценливите предмети.

Наскоро, скриената икона била откопана заедно со другите свети предмети кои биле закопани за безбедност. Сите биле вратени во Атина и дадени на Византискиот музеј во Атина до 1951 година, кога во Солун била основана Фондацијата Панагија Сомела од д-р Филон Ктенидес.

Во 1952 година, светата икона беше официјално устоличена во црквата која е изградена во нејзина чест на место среде македонските планини во Грција во Кастанија, Вермио.

Четириесет и една година подоцна, во август 1993 година, Крстот и Евангелието на Свети Христофер, исто така, беа донирани на црквата од Византискиот музеј во Атина.

Иконата на Панагија Сомела го сочинува самиот симбол на Грците од Понт, кои ја гледаат сликата како олицетворение на испитите и страдањата на нивниот народ.

Секоја година на 15 август, на денот на Успението на Богородица, илјадници аџии од целиот свет патуваат во манастирот на планината Вермио за да се поклонат пред светата икона.