Овој рецепт за турски мокар колач ќе стане вашиот омилен откако ќе го пробате, во тоа сме сигурни.

Мокриот турски колач прелиен со чоколадо е идеален десерт за семејството затоа што сладокусците ќе бидат воодушевени од него.

Состојки:

– 5 јајца;
– 1 чаша шеќер (200 милилитри);
– Ванилин шеќер;
– 1 чаша масло за јадење;
– 1 чаша млеко;
– 2 чаши брашно;
– 5 лажици какао;
– 1 прашок за печиво.

За прелив:

– 3 чаши млеко;
– Половина чаша масло за јадење;
– 1 чаша шеќер;
– 1 ванилин шеќер;
– 5 лажици какао;
– 100 грама чоколадо за готвење.

Декорација:

– Ореви

Подготовка:

Изматете ги јајцата и шеќерот, па додадете го ванилиниот шеќер, маслото, млекото, брашното, прашокот за печиво и какаото. Сите состојки соединете ги убаво, па ставете ги во плех да се печат на 190 степени Целзиусови.

Додека колачот се пече, подгответе го преливот. Ставете го млекото да зоврие, а во него додадете го шеќерот, ванилиниот шеќер, чоколадото и какаото, а потоа и маслото за јадење.

Колачот прелијте го со преливот, па украсете со ореви.