Убиецот испукал цел шаржер кон нив, носел и гумена маска на лицето: Нови детали од пукањето во Скопје, откриено е кој бил со Трајковски (видео)

Во вчерашниот напад во трговскиот центар „Ист Гејт“ во Скопје, заедно со Раде Трајковски е ранет младиот човек Колумбo, на само 23 години.

Полицијата сè уште трага по напаѓачот, а полицијата е убедена дека Трајковски и Колумбо се жртви на пресметка на мафијашки кланови.

Непознат напаѓач со бела маска вчера испукал најмалку десет куршуми кон нив двајцата додека биле на ескалаторот.

Напаѓачот, најверојатно професионален убиец, го испразнил целиот шаржер во жртвите, воопшто не бил нервозен што трговскиот центар бил полн со посетители, а потоа мирно ја напуштил зградата и исчезнал во непознат правец.

Трајковски и Колумбо биле оперирани и нивните животи се во опасност. Трајковски е во постабилна состојба и може сам да дише, додека неговиот пријател утре повторно ќе биде опериран на градниот кош и на абдоменот.

Напаѓачот испукал пет куршуми кон Колумбо, додека најмалку шест биле испукани кон Трајковски.

И додека Раде Трајковски и Колумбо се борат за живот, сè уште нема ни трага ни глас од напаѓачите. Се шпекулира и дека убиецот можеби носел гумена маска, за што нема цврсти докази.

Од обвинителството наведуваат дека се вештачат сите докази, се земаат отпечатоци и се сослушуваат очевидци на настанот.

Мотивот за нападот сè уште не е познат, но полицијата се сомнева дека се работи за пресметка на мафијашки кланови.