Украинската воздушна одбрана уништила четири руски ракети, двајца загинати во рускиот напад на регионот Полтава

Украинската воздушна одбрана синоќа уништи две руски ракети од типот „Калибр“ и две крстаречки ракети Кс-59, соопшти Военото воздухопловство на вооружените сили на Украина.

Се наведува дека руските сили ноќеска извршиле напад со ракети од море и од воздух.

Во рускиот ракетен напад врз селото Гогољево во областа Полтава, две лица загинаа, а пет се повредени, соопшти денеска шефот на Кабинетот на претседателот на Украина, Андриј Јермак.

„Четири крстосувачки ракети беа истрелани од непријателска фрегата од Црното Море во близина на Феодосија. Исто така, двe крстисувачки ракети Кс-59 беа истрелани од два авиони Су-34 во правец на Криви Рог од воздушниот простор на окупираната област Херсон“, се вели во соопштението, пренесува Интерфакс Украина.

Украинските медиуми претходно објавија дека во Криви Рог се слушнале експлозии.