Уругвајскиот напаѓач Лејес бара клуб преку социјалните мрежи
Уругвајскиот фудбалски напаѓач Габриел Лејес (33) објави преку социјалните мрежи дека бара клуб во кој ќе ја продолжи кариерата.
Лејес во моментов е без ангажман откако му пропадна трансферот во перуанскиот прволигаш Депортиво Бинационал поради возраста и квотите за националност.
„Иако договоривме сè, прашањето на квотите не дозволуваше моја регистрација“, објави Лејес, кој минатата сезона настапуваше за перуанскиот клуб Академија Кантолао.
„Повторно сум слободен и чекам нова насока“, напиша на социјалните мрежи поранешниот фудбалер на Ривер Плата и Пењарол.
