Федерер: Би сакал повторно да го видам Ѓоковиќ

Роџер Федерер, еден од сопствениците на Лејвер купот, би сакал следната година на тој турнир повторно да го види Новак Ѓоковиќ.

Без Новак, но и другите најголеми европски тениски асови, овој тим предводен од Бјорн Борг не можеше да направи ништо против Светскиот тим.

Тимот на Џон Мекинро славеше во Ванкувер со убедливи 13:2 .

„Го уништија европскиот тим. Светската репрезентација одигра фантастично, навистина имаа енергија. Сите освоија бод, беа посилни во двојки. Тие целосно ја заслужија победата“, рече Федерер и додаде :

“Беше одлично што повторно се вратив во тениското семејство, за прв пат да го доживеам Лејвер Купот од сосема поинаков агол. Тука се обидов да го гледам секој натпревар и беше фантастично. Разговаравме за волеј и двојки и како беше во шеесеттите и седумдесеттите. Борг и Мекинро рекоа дека Род Лејвер е нивниот херој, играше многу пред моето време, но знам што претставува во тенисот“.

All eyes on Day 3. pic.twitter.com/UtZGHnH4Pa

— Laver Cup (@LaverCup) September 24, 2023

Предвидено е следното издание да се одржи во Берлин во 2024 година.

„Можеме да зборуваме германски, навистина се радувам на Берлин, град кој не го познавам многу добро. Едвај чекам да одам таму. Мислам дека е одлично да се врати тенисот во Германија. Мислам дека ќе го имаат многу повеќе енергија како европски тим“.

Конечно, Роџер беше прашан и кого би сакал да види во Тим Европа следната година.

„Би сакал повторно да играм Новак, Алкараз и Новак во ист тим. Саша Зверев би бил одличен за германскиот пазар. Некој како Руне. Даниил Медведев би бил одличен. Обожавам да го гледам Андреј Рубљов“, заклучи Роџер .

Да потсетиме, Новак играше на Лејвер купот во 2018 и 2022 година.