ФОТО | ДАЛИ ОВА Е НАЈГОЛЕМИОТ ВОЕН УСПЕХ НА УКРАИНА ДОСЕГА !? Крим е нападнат од сите страни, а Украинците тврдат: “Ова е поголемо и од потонувањето на бродот ‘Москва’ минатата година!“
Украина во четвртокот потврди дека ја уништила руската подморница „Ростов на Дон“ со британско оружје, поточно ракетите Storm Shadow, за време на ракетен напад врз црноморското пристаниште Севастопол на полуостровот Крим во средата.
Подморницата беше значително оштетена во тој масивен украински напад, како и рускиот јуришен амфибиски брод „Минск“, а висок украински воен функционер потврдил за весникот Politico дека украинските пилоти ја користеле ракета Storm Shadow за нападот. Овие ракети Велика Британија и ги испорача на Украина, но од Франција ја добија и француската верзија на ракетата наречена SCALP EG.
Министерството за одбрана на Русија соопшти дека Украина во средата лансирала 10 крстосувачки ракети кон бродоградилиштето во Севастопол, но само три ги погодиле нивните цели, оштетувајќи два брода.
Инаку, необично е што украинската Армија ја презеде одговорноста за нападот, бидејќи речиси по правило официјален Киев не презема одговорност за нападите на Крим и на територијата на Русија. Украинците тврдат дека пловните објекти не можат да се поправат.
„Големиот руски амфибиски брод ‘Минск‘ и подморницата ‘Ростов-на-Дон‘, кои беа погодени за време на ноќниот напад во Севастопол, најверојатно не можат да се вратат“, изјавил Андриј Јусов, портпарол на украинската воена разузнавачка служба.
Руските профили на социјалната мрежа Телеграм, исто така, ги потврдија имињата на бродот и подморницата, а исто така објавија и фотографии од моќниот напад – истите можете да ги погледнете ОВДЕ.
Наталија Хуменјук од оперативната команда на украинската Армија на Југ, додаде дека воениот брод и подморница најверојатно се оштетени многу и дека истите не можат да се поправат, бидејќи единствено место за поправка е бродоградилиштето кое било уништено во нападот.
Командантот на украинските воздухопловни сили, Микола Олешук, исто така, јавно сугерираше дека зад нападот на Севастопол стојат украинските воздухопловни сили и дека за нападот биле користени ракети Storm Shadow.
„Додека окупаторите сè уште се опоравуваат од невремето во Севастопол, сакам да им се заблагодарам на пилотите на воздухопловните сили за нивната одлична борбена работа! Продолжуваме…“, вели Микола Олешук.
Операцијата се одржа неколку дена откако Украина ја презеде контролата над четирите дупки за нафта и гас во Црното Море во близина на брегот на Крим и го деактивираше рускиот радар кој ги следи сите движења во тој дел од морето.
„Украинските сили искористија ретка можност да гаѓаат подморница додека таа беше на површината на морето. Тоа беше прв пат проектили земја-воздух успешно да се користат против подморница“, изјави за Politico украинскиот воен експерт и поранешен воен офицер, Роман Свитан.
Тој го спореди значењето на операцијата со минатогодишното потонување на бродот „Москва“ во Црното Море и додаде:
„Би рекол дека ова е уште поголем успех!“.
Овој украински ракетен напад врз руската Црноморска флота во Севастопол може да има „одекнувачки ефект“ врз руските сили, според некои експертски на ситуацијата во Украина, и веднаш штом тие дадоа таква проценка следеше нов украински напад на Крим.
Украина тврди дека синоќа нов напад со беспилотни летала и проектили извршен од украинските безбедносни служби и морнарицата пред зори во четвртокот, уништил руски систем за против-воздушна одбрана во близина на градот Евпаторија.
Тоа е продолжение на кампањата за напади на Крим, која се чини дека се повеќе предизвикува немири во редовите на руската Црноморска флота, како и кај локалното население. Особено успешен напад беше нападот во средата.
Според Андриј Јусов, покрај бродот и подморницата, во нападот бил погоден и рускиот објект за поправка на бродови на Орџоникиџе. Уништувањето овие работи најверојатно ќе го направи сувиот докот нефункционален додека руските сили не ги расчистат остатоците, што би можело да потрае значително време, велат аналитичарите од Институтот за проучување на војната (ISW) во нивниот последен извештај.
