ФОТО | “ОВА Е МНОГУ ЧУДНО!“ – Стјуардесата која била во авионот со Евгениј Пригожин пред летот му се доверила на семејството: “Нешто овде не е во ред…“

Кристина Распопова, 39-годишна стјуардеса и член на екипажот на авионот Embraer Legacy 600 што се урна во регионот Твер во Русија, а во кој беше и лидерот на платеничката група Вагнер, Евгениј Пригожин, како и истакнатиот командант на Вагнер, Дмитриј Уткин и уште неколку други членови на приватната група, неколку часа пред полетувањето, таа им кажала на своето семејство дека авионот се „поправа“ и дека летот е одложен, пишува Daily Star.

Според тврдењата на каналот (профил) VChK-OGPU на социјалната мрежа Телеграм, Кристина Распопова на своето семејство му кажала дека имало доцнење пред полетувањето и дека авионот не полетал кога требало.

Стјуардесата посочила дека авионот бил „поправан“ пред летот. Каналот VChK-OGPU наведува дека Кристина Распопова на своите роднини им кажала дека авионот бил „манипулиран на чуден начин“ пред неговиот последен лет и дека поправките што биле направени биле „неразбирливи“.

Кристина Распопова последен пат е фотографирана во кафуле на еден од московските аеродроми.

Нејзиниот брат, заменик-обвинител во регионот Чељабинск, за споменатиот канал на социјалната мрежа Телеграм изјавил дека неговата сестра му рекла дека пристигнала во Москва два дена пред летот и дека чека да се врати во Санкт Петербург. Нејзе ѝ било кажано дека може да избере дали ќе оди во Санкт Петербург во среда или четврток, пишува The Messenger.

„Авионот беше на итна поправка. Тие чекаа лет. Тоа беше некаква поправка, ништо посебно. Стигнаа до авионот и беа подготвени да одат. Сè беше во ред. Се чинеше дека таа била таму долго време додека, претходно го чекала летот барем неколку дена. Таа ми кажа дека дестинацијата е во Русија. Ја чекав да ми јави“, рекол еден од роднините на стјуардесата.

„Што се однесува до поправката, таа кажа дека е или одржување или поправка, и дека тие чекале да добијат наредба“, додал роднината.