ФОТО| Скоро 8 метри! Еве како изгледа градот со најмногу снег во светот

Во текот на зимата паѓа толку многу снег што секојдневното лопатирање е неизбежна појава кај нејзините 300.000 жители. Снежните наноси можат да бидат толку високи што го блокираат излезот на луѓето од нивните куќи.

Аомори во Јапонија се смета за место со најмногу снежни врнежи во светот . Според некои статистики, просечно 7,9 метри снег паѓа секоја година во главниот град на префектурата Аомори на најголемиот јапонски остров Хоншу.

Поголемиот дел од градот и околните градови се покриени со густа снежна покривка од ноември до април секоја година. Тротоарите се попречени од високи ѕидови од снег и мраз кои се повисоки кога минуваат машините за да го расчистат патот.

Ледени ветрови

Обилниот снег е резултат на уникатната географска локација на Аомори помеѓу планините Хакода и бреговите на заливот Муцу. До него стигнуваат ледените сибирски ветрови кои се судираат во таа област и предизвикуваат брзо формирање на облаци. Поради ниските температури во градот – наместо дожд, врне снег.

Во текот на зимата паѓа толку многу снег што секојдневното работење со лопати е неизбежна појава кај 300.000 жители на Аомори. Снежните наноси можат да бидат толку високи што го блокираат излезот на луѓето од нивните куќи. Најмногу снег паѓа во последната недела од декември . Потоа во просек паѓа снег шест од седум дена со 47 сантиметри снег.

Туристите го сакаат 

И покрај постојаните снежни бури, Аомори не ги затвора вратите за патниците. Многумина доаѓаат овде  во зима за да уживаат во скијање и други снежни радости, но и да уживаат во локални специјалитети – главно јадења базирани на свежа риба и морски плодови.

Не е тешко да се стигне до Аомори дури и кога паѓа снег – со авион или воз. Од Токио за три часа сте во Аомори со јапонскиот супер воз.