ХАКЕРИ ГО НАПАДНАА ЛАС ВЕГАС! Падна системот, банкоматите не работат!БАРААТ МИЛИОНИ!
На социјалните мрежи беше објавено дека хакери го нападнале Лас Вегас. Компанијата „MGM Resorts International“ ја потврди оваа информација и соопшти дека сајбер нападот врз неа започнал пред шест дена.
Овој напад влијае на резервациите и казино операциите во Лас Вегас, како и на хотелите и казината низ Америка. На социјалните мрежи се објавени видеа кои покажуваат дека автоматите за игри на среќа не работат. Некои гости посочија дека картичките за отклучување на собата не функционираат.
На мрежата е објавено и дека луѓето не можат ниту да ги изгаснат светлата во своите соби. Резервациите се исто така нарушени, а MGM Resorts нуди бесплатно откажување на собите. И најголемиот сопственик на казино во светот, Цезар, потврди дека е погодено од сајбер нападот. Казино гигантот изјави дека работата на неговите компјутери во казиното и хотелите не е нарушена, но не може со сигурност да каже дека личните податоци на десетици милиони негови клиенти се безбедни.
Нападите, кои покренаа истрага на ФБИ, го уриваат верувањето на јавноста дека безбедноста на казиното е врвна. „Кога луѓето размислуваат за безбедноста, тие размислуваат за навистина големи суперкомпјутери, „огнени ѕидови“, многу безбедносни системи“, рече Јуван Ким, професор по компјутерски науки на Универзитетот во Невада, Лас Вегас, чија експертиза вклучува мрежна безбедност.
Тони Анскомб, главен офицер за безбедност во компанијата за сајбер безбедност ESET со седиште во Сан Диего, рече дека се чини дека можеби бил „социјално дизајниран напад“, што значи дека хакерите масовно користеле фишинг повици, СМС или е-пошта за да влезат во системот.
Додека безбедносните пропусти затворија некои катови на казино во Лас Вегас оваа недела, на интернет се појави хакерска група која ја презема одговорноста за нападот на системите Цезар и вели дека бара откуп од 30 милиони долари. Официјално не е утврдено дали некоја од засегнатите компании платила откуп за да ја врати контролата врз своите податоци. Но, ако некој го направеше тоа, велат експертите, можеше да има повеќе напади.
„Ако тоа се случи со МГМ, истото може да им се случи и на другите“, вели Ким, професорката на УНЛВ. „Дефинитивно ќе има уште напади. Затоа мора да се подготват“, предупреди тој. Дулси Мартинез (45), публицист од Лос Анџелес, изјави за АП дека во понеделникот не можела да резервира соба во хотелот МГМ преку Интернет за претстојното службено патување, а потоа дознала дека најголемиот сопственик на казино во Лас Вегас бил жртва на сајбер напад, но веќе беше доцна: нејзиниот број на кредитна картичка беше злоупотребен за туѓо плаќање и таа го откажа.
