ХАОС ВО ЕУ! Новиот напад на Виктор Орбан на Украина ја разбесни Европа, Берлин на нозе, Швеѓаните се закануваат: “Не знаеме зошто му пречи ова ?!“

Унгарија со недели ја блокираше исплатата на европската воена помош за Украина бидејќи Киев ја прогласи унгарската ОТП банка за „меѓународен воен спонзор“. 

Украина се надеваше дека конечно ќе се постигне договор на состанокот на европските министри за надворешни работи во понеделник, но наместо тоа, Унгарија направи дополнителна грешка и се скара со Германија.

„Ние ќе се спротивставиме на исплата на овие 500 милиони евра од Европскиот инструмент за мировна помош се додека Украина ја држи ОТП банка на листата на меѓународни спонзори на војната“, рекол во понеделникот унгарскиот министер за надворешни работи Петер Сијарто. 

Од руската инвазија на Украина, земјите од Европската унија обезбедија 5,6 милијарди евра во рамките на Европскиот мировен фонд (ЕПФ) за поддршка на Киев во неговата борба против Русија. Министерот Петер Сијарто нагласи дека поради спорот за ОТП банката, неговата земја би можела да го блокира и планираниот 11-ти пакет санкции на ЕУ наменети за Русија.

Како што дознава еминентниот весник Politico, германската министерка за надворешни работи Аналена Баербок ги покажала извештаите на состанокот во кои се тврди дека ОТП ја признава независноста на окупираните територии Луганск и Доњецк. Унгарија ги отфрли обвинувањата, нарекувајќи ги извештаите наведени од Аналена Баербок „неточни“ и тврдејќи дека раководството на ОТП банка јавно ја изразува својата поддршка за Украина.

Иако дипломатите кои биле присутни на средбата ја нарекоа „цивилизирана“, дискусијата меѓу Аналена Баербок и Петер Сијарто, треба да се напомене дека до кавгата дошло откако други европски земји, како Шведска и Естонија, извршиле притисок врз Унгарија за блокирање на воената помош за Украина. Се чини дека европските лидери се повеќе ги изразуваат своите фрустрации со Виктор Орбан, кој постојано ја уценуваше ЕУ и го одложуваше воведувањето санкции против Русија.

Еден дипломат изразил збунетост зошто Унгарија се прицврстила на украинската листа, имајќи предвид дека таа нема правно значење.

Да потсетиме, на почетокот на мај, украинската антикорупциска агенција ја стави ОТП банка на црната листа на меѓународни спонзори на војната затоа што, наводно, дава повластени заеми на руската армија, односно всушност ги наградува за извршената војна односно кривични дела.

ОТП е една од 50-те најголеми банки во Русија, која опслужува повеќе од 2,2 милиони клиенти. Руската филијала на ОТП банка го зазема осмото место на пазарот на кредитни картички и останува една од водечките банки на рускиот пазар на финансиски услуги и по руската инвазија на Украина. На Русите повикани на воена служба, како и на нивните семејства, ОТП банка наводно им нуди заеми и одложување на исплатата на заемот.

Откако ОТП беше додадена на листата на воени спонзори на Украина, банката објави соопштение во кое тврди дека „драстично го намалила присуството на рускиот пазар“ и дека нејзиниот пазарен удел е намален на само 0,17 отсто. Листата на Украина нема правни последици, но ги повикува потрошувачите да ги бојкотираат компаниите на неа.

Списокот вклучува бројни европски компании во Франција, Италија и Грција – како Raiffeisen Bank, Auchan и Yves Rocher – но Унгарија е единствената земја-членка на ЕУ која го покрена прашањето за вклучување на компании на листата на спонзори на војната.