Хит видео! Во 1984 година, младиот социјалист Олаф Шолц се залагаше за нуклеарно разоружување и против ракетите на НАТО во Источна Германија (фото/видео)
На социјалните мрежи се појави видео од 1984 година на тогаш 26-годишниот Олаф Шолц, актуелен германски канцелар, како дел од делегацијата на Работната група на млади социјалисти (JuSos) на Западногерманската социјалдемократска партија, каде учествуваше во преговорите во Источна Германија.
Преговорите се одвиваа во Централниот комитет на Партијата за социјалистичко единство на Германија, која беше попозната како Комунистичка партија на Источна Германија, владејачка партија во таа земја која беше дел од Советскиот источен блок.
На преговарачката маса спроти Шолц е Егон Кренц, кој подоцна ќе стане последниот источногермански комунистички лидер пред падот на Берлинскиот ѕид.
Клипот е од телевизиски дневник од пред речиси четири децении, а еден корисник на Твитер, сега познат како Х, рече дека Шолц бил за нуклеарно разоружување на тие разговори и се спротивставил на одлуката на НАТО од 1979 година да распореди балистички ракети Першинг II и Грифон крстосувачки ракети во Западна Европа.
