Храна богата со антиоксиданси: Го подобрува здравјето на срцето, здравјето на мозокот и го намалува ризикот од рак

Антиоксидансите се есенцијални соединенија кои помагаат во неутрализирање на штетните еколошки агенси во телото и на тој начин ги штитат клетките од оштетување и го намалуваат ризикот од хронични болести. Затоа е важно да вклучите храна богата со антиоксиданси во вашата исхрана. Еве неколку предлози.

Бобинки

Јагодите, боровинките, малините и капините се богати со антиоксиданси како што се флавоноиди, антоцијани и витамин Ц. Овие соединенија помагаат во борбата против оксидативниот стрес и воспалението.

Темно чоколадо

Оваа храна содржи флавоноиди од какаото, кои имаат силни антиоксидантни својства. Јадењето чоколадо со висока содржина на какао може да го подобри здравјето на срцето и да го намали ризикот од болести.

Јаткасти плодови

Бадемите, оревите и ф’стаците се полни со антиоксиданси, вклучувајќи го и витаминот Е. Со вклучување на јаткастите плодови во вашата исхрана, ќе го подобрите здравјето на срцето и ќе му помогнете на вашето тело да се бори против оксидативното оштетување.

Лиснат зелен зеленчук

Зеленчукот како спанаќот, кељот и блитвата се одлични извори на антиоксиданси како витамин Ц, витамин Е и бета-каротин. Тие помагаат да се зајакне имунолошкиот систем и да се намалат воспалителните процеси во телото.

Зелен чај

Оваа билка е богата со катехини, еден вид антиоксиданс кој има бројни здравствени придобивки, вклучително и подобрување на функцијата на мозокот, губење маснотии и намалување на ризикот од рак.

Домати

Овој многу сакан зеленчук е богат со ликопен, моќен антиоксиданс кој е поврзан со намален ризик од срцеви заболувања и одредени видови на рак. Готвењето домати ја зголемува биорасположивоста на ликопенот.