Хутите киднапираа брод со балканска екипа, Израел веднаш се огласи: Обвинувањата не стивнуваат!
Јеменските Хути киднапирале товарен брод во јужниот дел на Црвеното Море додека пловел од Турција кон Индија, а според првите информации на него има членови на екипажот од Балканот.
Израел денеска негираше дека на бродот имало негови граѓани и изјави дека зад киднапирањето стои „ирански тероризам“. Кабинетот на премиерот Бенјамин Нетанјаху објави соопштение во кое го обвини Иран за инцидентот.
– Ова е уште еден чин на ирански тероризам што изразува чекор напред во иранската агресија врз граѓаните на слободниот свет и создава меѓународни импликации кога станува збор за безбедноста на глобалните бродски рути – се додава во соопштението.
Медиумите јавуваат дека се работи за британски брод кој го користи јапонска компанија. Се наведува и дека во авионот има 25 членови на екипажот, меѓу кои има државјани на Бугарија, Украина, Филипини и Мексико.
Некои медиуми на арапски јазик претходно објавија дека на бродот имало повеќе од 50 членови на екипажот и дека бродот патувал под бахамското знаме. Тие исто така изјавија дека бродот е делумно во сопственост на израелскиот тајкун Абрахам Унгар и дека неодамна бил изнајмен од јапонска компанија.
