Што сѐ може да излечи морската вода и на што делува?

Има многу малку луѓе кои не уживаат во благодетите на морето, играјќи си со брановите и пливајќи во солената вода. Кога ќе се ослободиме од слоевите облека и чевли, чувствуваме дека косата ни станува светла, а кожата добива исончан тен. Сепак, морската вода нуди и многу други придобивки.

Ако некогаш сте се запрашале како помага солената вода, еве неколку одговори. Иако сè уште нема цврсти медицински докази, за тоа сведочат многу луѓе.

„Многу луѓе кои го посетуваат морето и страдаат од акни, воспаленија или слични состојби забележуваат подобрување на нивната кожа по одморот“, вели дерматологот д-р Џенифер Холман.

Како морската вода помага на други начини?
„Солената вода може да биде одлична за нашата кожа. Може дури да има и тераписки предности, но тоа зависи и од нашиот индивидуален тип на кожа и состојбата на морската вода“, вели доц. дерматолог д-р Елизабет Џоунс.

Морската вода е богата со магнезиум, калиум, калциум и цинк, минерали кои даваат различни придобивки. Магнезиумот, особено, може да помогне да се намали воспалението. Ова е причината зошто морската вода може да биде корисна за состојби како што се егзема или псоријаза. Холман споменува студија од 2016 година која ги разгледувала придобивките од длабоката морска вода, а резултатите покажале дека таа всушност може да го намали воспалението.

Морската вода, исто така, има ефект на пилинг на кожата. Ги отстранува старите клетки од површината на кожата и го стимулира обновувањето на новите клетки. Во тоа помага и песокот на плажа, кој исто така има ефект на пилинг.

Го намалува стресот: Благодарение на присутноста на магнезиум, морската вода има смирувачки ефект. Се советува луѓето што се под стрес да поминуваат повеќе време на плажа, не само поради опуштената атмосфера, туку и поради лековитото делување на морската вода.

Го подобрува сонот и ги ублажува симптомите на депресија: Со нормализацијата на крвниот притисок и намалувањето на нервозата, одморот на плажа може да ви помогне подобро да спиете и на природен начин да го подобрите расположението.

Го олеснува дишењето: Луѓето што патат од астма, кашлица и други респираторни проблеми треба да минуваат повеќе време на плажа, да дишат морски воздух и да пливаат во морската вода. Солената вода поттикнува отстранување на токсините кои ги напаѓаат белите дробови.