„Јас како мајка мислам дека детето секогаш треба да биде до својата мајка! Прија ѝ испрати силна порака на Северина

Пејачката Александра Пријовиќ на прес-конференцијата одговори на прашање за нејзината колешка Северина.

Веќе сите знаат дека на хрватската ѕвезда и’ е одземено старателството над синот, што го разбранува целиот регион.

Прија до сега не се огласи на оваа тема, а сега јавно ја поддржа.

Додека новинарката го поставуваше прашањето, изразот на лицето и’ беше тажен.

– Можам да кажам само едно… Тоа е дека јас како мајка мислам дека детето секогаш треба да биде покрај мајка си – истакна Александра Пријовиќ, по што настана краток молк, поради што се чини дека оваа ситуација ги растажи сите присутни.