Јенс Столтенберг: “Украинците не мрднаа на бојното поле во последната година и покрај огромната поддршка од НАТО“
Украина не успеа да ја придвижи линијата на фронтот во конфликтите со Русија во последната година и покрај значителната поддршка на НАТО, порача денес генералниот секретар на НАТО, Јенс Столтенберг.
На прес-конференцијата пред состанокот на министрите за надворешни работи на НАТО во Брисел, тој го повика НАТО да не ги потценува одбранбените способности на Русија.
„И со огромната воена поддршка на НАТО и сојузниците, тие (Украинците) не успеаја да ја поместат првата линија и тоа само покажува дека факт е дека никогаш не смееме да ја потцениме Русија. Нивната (руска) посветена индустрија е на воена основа, тие се способни да ги снабдат своите сили со муниција и нови капацитети“, истакна Јенс Столтенберг.
Цитирајќи неименуван украински функционер, медиумската агенција ABC објави дека Украина е многу загрижена поради намалувањето на снабдувањето со муниција од САД, што може да резултира со губење на позицијата на Киев на бојното поле.
Во извештајот се вели дека испораките на САД со гранати според НАТО стандардите за Украина се намалени за повеќе од 30 отсто од ескалацијата на конфликтот во Појасот Газа на почетокот на минатиот месец, бидејќи американските испораки првично наменети за Киев беа пренасочени кон Израел.
Западните земји ја зголемија својата воена и финансиска поддршка за Украина по почетокот на руската инвазија во таа земја, додека на Русија и воведоа неколку рунди санкции.
