Јога на стол: истегнете го ‘рбетот на крајот од работниот ден

Лесно истегнување на крајот од работниот ден.

Дали некогаш сте слушнале за таканаречената јога на стол? Без разлика дали сте експерт или не, имаме неколку лесни асани за јога идеални за потполни почетници и луѓе кои не се во форма кои бараат нежно истегнување.

Редовната практика на јога е полна со придобивки и за умот и за телото . Тоа е и вежба и форма на уметност која комбинира мускулна активација, поврзување со вашето тело и присуство во моментот. Според истражувањата, јогата го ублажува стресот, депресијата, ја зголемува флексибилноста и може да го подобри вашето физичко и ментално здравје воопшто.

Една од предностите на јогата на стол е нејзината пристапност за комплетни почетници, како и за луѓе со ограничена подвижност. Столот ви обезбедува стабилност и поддршка. Овие вежби можете да ги изведувате наутро по будењето или попладне по работното време. Идеални се за нежно истегнување на целиот горен дел од телото, кое добро ќе ви дојде по со часови седење.

Јога на стол

Крава-мачка

Започнете со истегнување на ‘рбетот во асана крава-мачка. Седнете на стол и ставете ги стапалата рамно на подот. Потпрете ги рацете на колената или бутовите. Вдишете, заоблете го грбот и погледнете нагоре кон таванот за да влезете во крава поза. Потоа издишете, наведнете го грбот како наежена мачка и повлечете ја брадата кон градите. Активирајте ги стомачните мускули. Повторете осум до десет пати.

Извртување на ‘рбетот

Започнете ја оваа вежба во исправена седечка положба со стапалата на подот. Потпрете ја десната рака на надворешната страна на левата бутина, а левата рака ставете ја зад столот. Вдишете и додека издишувате, свртете го торзото налево. Држете ја оваа положба 20 до 30 секунди пред да ја префрлите страната. Повторете осум до десет пати.

Свиткување на ‘рбетот

Седнете на работ од столот и ставете ги стапалата на подот во ширина на колковите. Вдишете и седнете со исправен ‘рбет. Додека издишувате, преклопете го торзото над колковите, наведнувајќи се напред. Можете да ги држите рацете на бутовите или долниот дел на нозете. Останете во оваа положба 20 до 30 секунди.

Истегнување на рамената

За да ги истегнете рамената во седечка положба, седнете на стол со исправен ‘рбет и стапалата рамни на подот. Истегнете ја десната рака директно пред вас во висина на рамената. Притиснете ја левата рака на врвовите на десната рака и пружете мал отпор. Држете ја оваа положба 15 до 20 секунди и повторете ја на спротивната страна од телото.