Јунајтед подготвен да се откаже од најдобриот играч, обновата на тимот почнува со Де Јонг

Фудбалскиот клуб Манчестер Јунајтед е заинтересиран за играчот на Барселона и холандски репрезентативец Френки де Јонг

Менаџерот на „црвените ѓаволи“ Ерик Тен Хаг сакаше да ангажира холандски фудбалер во летото 2022 година, но трансферот не се случи.

Британските медиуми пренесуваат дека Јунајтед е подготвен на радикални потези за да започне обнова на тимот кој со години се мачи во Премиер лигата.

Најголемиот англиски клуб е подготвен да се откаже од најдобриот играч и да и понуди на Барселона португалскиот репрезентативец Бруно Фернандеш и 20 милиони евра за Де Јонг.

Фернандеш наводно е незадоволен од својот статус во Манчестер Јунајтед, поради што е подготвен да го напушти клубот од „Олд Трафорд“ на крајот од сезоната.

Де Јонг оваа сезона се мачеше со повреди и одигра 30 натпревари за каталонскиот клуб во сите натпреварувања.

Холанѓанецот е член на „Блауграна“ од 2019 година, а со каталонскиот клуб има договор до 30 јуни 2026 година.

За холандската репрезентација одигра 54 натпревари.