ЏЕНИФЕР ЛОПЕЗ ДОАЃА ВО БЕЛГРАД! Пејачката доаѓа со приватен авион на прославата на познат српски милионер, ќе добие шестоцифрена сума за само 2 часа!
Џенифер Лопез повторно доаѓа во Србија, ексклузивно објави белградски Курир.
Популарната пејачка овој пат пристигнува на приватна забава на бизнисмен (име и презиме познати на редакцијата) кој за неа платил ни помалку ни повеќе туку 200.000 евра.
Според нашите сознанија, латино дивата кон крајот на мај ќе слета со приватен авион на белградскиот аеродром „Никола Тесла“, каде на пистата ќе ја чека луксузно возило кое ќе ја однесе до локацијата каде што ќе се одржи забава.
Овој моќен човек веќе организираше забави на кои присуствуваа ѕвезди од светскиот џет-сет, а сега на ред е светски познатата дива да биде меѓу неговите гости. Тоа чини пари, но според Курир тој не жали што го одврзал ќесето.
Џенифер треба да биде на забавата два часа. Се беше договорено преку нејзините агенти. Во цената е вклучен трансферот на пејачката, престојот и дружењето со роденденското момче и неговите гости. Познато е дека таа слетува на аеродромот околу шест часот. Од аеродромот до локацијата каде што ќе се одржи прославата треба да се вози еден час. Таму ќе остане уште час-два, по што ќе се врати во Америка. Нејзиниот тим не побара никакви дополнителни услови, само медиумите да не присуствуваат на настанот, ниту пак гостите да ја вознемируваат со разговор – вели изворот на Курир.
Холивудската ѕвезда ќе дојде во Србија во придружба на својот тим.
Нејзиниот сопруг Бен Афлек нема да биде со неа, тоа е сигурно. Сите други детали за нејзиното пристигнување ќе бидат познати пред нејзиното пристигнување. Секако, во договорот стои и дека доколку пејачката биде спречена поради некоја виша сила, има право да го откаже доаѓањето и во тој случај ќе и бидат вратени парите – заклучува Курир.
Џенифер Лопез по втор пат доаѓа во Србија. Да потсетиме, таа имаше концерт во 2012 година во белградска Арена. Потоа даде интервју за медиумите дека е воодушевена од Белград и дека би сакала повторно да се врати во Србија. Таа желба наскоро ќе се оствари.
Претходно таа побара во бекстејџот да има бели рози, најдобар бел порцелан, изобилство минерална вода и се да биде во бели тонови. Се запамети дека за време на концертот Џенифер во еден момент го наметна знамето на Србија кое го доби од обожавателите во публиката.
