5 ВЕЖБИ КОИ НАЈДОБРО ПОМАГААТ КОГА ВЕ БОЛИ ГРБОТ: Го истегнуваат ‘рбетот, ја намалуваат болката, го подобруваат држењето – ги препорачуваат лекарите (ФОТО)
Со помош на одредени корективни вежби, како и начини на однесување, можеме да избегнеме трајно оштетување на ‘рбетот
Болката во грбот е една од најчестите причини поради кои луѓето бараат лекарска помош или пропуштаат работа и е водечка причина за инвалидитет ширум светот.
Превенцијата е најдобриот лек. Активностите кои се прават секојдневно во работната средина најчесто се прават неправилно. Седењето со часови и недоволната физичка активност се главните причинители за лумбалниот синдром (болка во долниот дел на грбот).
Корективните програми за вежбање, терапевтските вежби се најдобриот начин за зајакнување на екстензорите на ‘рбетниот столб . Оваа група на мускули е одговорна за стабилноста на грбот и трупот. Лесните движења со повеќе контракции во ексцентричните фази се најдобрата превенција.
Континуитетот во спроведувањето на програмата за вежбање со правилно извршување на секојдневните активности може да спречи појава на лумбален синдром и оштетувања кои се јавуваат во овој дел од грбот.
Болката може да варира од болки во мускулите до чувство на пукање, печење или прободување. Исто така, болката може да оди надолу по нозете. Свиткување, извртување, кревање, стоење или одење може да го влошат.
Препорачливо е да се посети лекар ако болката:
- Трае подолго од неколку недели,
- Не се подобрува со одмор,
- Се шири надолу на едната или на двете нозе, (особено ако болката оди под коленото),
- Предизвикува слабост, вкочанетост или пецкање на едната или двете нозе,
- Тоа е поврзано со необјаснето губење на тежината.
