Гинеколог им препорачува на жените почесто да јадат оваа храна по менопаузата

Разгиворот за менопаузата стана поотворен и поприсутен од кога било досега во последниве години. Растечката свест им помага на жените да ја отстранат стигмата од овој природен период и да се чувствуваат помалку осамени додека минуваат низ промени како што се бранови на топлина и промени во расположението. Но, во исто време, се зголеми и бројот на совети за производи и додатоци во исхраната кои наводно им помагаат да ја „преживеат“ менопаузата. Според гинеколозите, акцентот сè уште треба да биде на исхраната.

Акушер-гинекологот д-р Шери Рос објаснува дека клучот не лежи во додатоците во исхраната, туку во чинијата.

Урамнотежената исхрана базирана на растителна храна, со ограничен внес на црвено месо и масни млечни производи и со доволен внес на здрави масти – мононезаситени и полинезаситени – го промовира здравото стареење и го намалува ризикот од кардиоваскуларни заболувања и рак на дојка“, вели д-р Рос за Parade.

Најдобрите опции вклучуваат зеленчук, овошје, интегрални житарки, мешунки, јаткасти плодови, семки и здрави масти од растително потекло како маслиново масло и авокадо. Сепак, еден макронутриент е особено важен по менопаузата: протеините.

Иако стресот е неизбежен, начинот на кој се справуваме со него зависи од нашите избори.

„Би сакала жените во менопауза да консумираат повеќе квалитетни протеини“, вели гинекологот.

За време на менопаузата, нивото на естроген се намалува, што предизвикува намалување на мускулната маса и густината на коските, а протеините помагаат во ублажување на овие промени.

Дополнително, протеините можат да го намалат ризикот од зголемување на телесната тежина и хронични заболувања, вклучувајќи ги и срцевите заболувања.

„Естрогенот ја одржува еластичноста на крвните садови, го намалува „лошиот“ LDL холестерол и го поттикнува формирањето на „добар“ HDL холестерол“, објаснува д-р Рос, додавајќи дека доволниот внес на протеини помага во регулирањето на шеќерот во крвта и го поддржува здравјето на крвните садови.

Препорачаниот дневен внес на протеини за жени во постменопауза е помеѓу 1 и 1,2 грама на килограм телесна тежина, додека на некои жени можеби им требаат повеќе – до два грама на килограм, вели д-р Рос. Најдобри извори се туна, пилешко, мисиркино месо, јајца, ракчиња, мешунки и семе од чиа.

Покрај тоа, се препорачува исхрана богата со зеленчук, овошје, интегрални житарки и здрави масти, како оние што се наоѓаат во медитеранската исхрана. Црвеното месо, масните млечни производи, храната богата со сол и алкохолот треба да се ограничат.

Д-р Рос забележува дека иако стресот е неизбежен, начинот на кој се справуваме со него зависи од нашите избори. „Стресот е неизбежен. Но, начинот на кој го управуваме нашето однесување како одговор на стресорите може да се контролира со донесување здрави избори на начин на живот“, заклучи гинекологот.