БЕЗ ГЛАДУВАЊЕ – Најдобар трик за кремасти пржени јајца со 30 гр протеин кој ќе ве држи сити со часови

Ова популарно јадење е природно богато со витамин Б2 и витамин Д

Изматените или пржените јајца се омилен појадок во многу земји, а фитнес тренерката Ејми Ли сподели здрав трик за да се погрижи секое утро да појадувате богат со протеини.

Иако изматените јајца се всушност здраво јадење сами по себе, тие често се служат со не толку здрави преливи. Ова популарно јадење е природно богато со витамин Б2 и витамин Д, но често се служи со сланина, која е богата со заситени масти. Познато е дека прекумерното внесување на заситени масти може да го подигне нивото на „лошиот“ или LDL холестерол во крвта, што може да го зголеми ризикот од срцеви заболувања и мозочен удар. Но, фитнес експертот Ејми Ли открила начин без чувство на вина како да уживате во кремастите изматени јајца и е исто толку вкусен како кога се подготвуваат на нездрав начин.

Експертот за фитнес Ејми Ли го сподели својот високопротеински и нискокалоричен рецепт за пржени јајца на TikTok под корисничкото име @amyleeactive.

– Ова е најдобриот трик за здрави изматени јајца со дури 30 грама протеини – рекла таа и додала дека матените јајца што ќе ги нарачате во ресторан имаат само околу 10 до 12 грама протеини.

– Значи, во јајцата додајте свежо кравјо сирење доколку сакате да се чувствувате сити со часови и во исто време да имате стабилно ниво на шеќер во крвта. Овој додаток ќе ги направи изматените јајца екстра кремасти и пенливи без никакви дополнителни масти или калории. Имено, една шолја свежо кравјо сирење со намалена маснотија содржи околу 28 g протеини и само 163 калории, што ќе ви помогне да останете посити подолго време без да спакувате дополнителни непотребни калории.

Изматени јајца со висока содржина на протеини

– За да го подготвите ова меко јадење со јајца, ставете ги јајцата и свежото кравјо сирење во сад и енергично измешајте додека целосно не се соединат двете состојки. Потоа истурете ги во нелеплива тава и намалете го пламенот на минимум.

– Кога јајцата ќе почнат да се стегаат, нежно измешајте со шпатула на дното и од страните на тавата за да добијат големи, меки бранови. Пржете додека јајцата не се наместат за да нема повеќе течни делови, но внимавајте јајцата да не испаднат премногу суви. Ставете го јајцето на тостот и послужете веднаш!

Ова видео доби импресивни 64 илјади лајкови, а следбениците побрзаа да остават свои ентузијастички коментари.

-Користев 3 јајца и 100 гр свежо кравјо сирење и морам да кажам дека ова е најдобриот трик досега – напишал еден следбеник. Друг додаде: – Ова е убедливо најдобрата комбинација на состојки! Јајца и свежо кравјо сирење!. Третиот напишал дека го зачувал тоа видео и само направил матени јајца по тој рецепт, со додавање пиперка, кромид, хималајска сол и парчиња авокадо. Тој заклучил дека јадењето е фантастично. Друг следбеник исто така направи мали промени во рецептот:

– Прво добро измешајте го свежото кравјо сирење, а потоа додадете ги јајцата и ќе ги добиете најпените изматени јајца досега. Има и следбеник кој предложи да користите 1/4 чаша свежо кравјо сирење, 1/4 чаша белки и едно големо цело јајце. Тој тврди дека резултатот е вкусен!