БЕШЕ ОБВИНЕТ ЗА СИЛУВАЊЕ, А СЕГА НЕ ГО САКААТ ПОВЕЌЕ ВО КЛУБОТ: Манчестер Јунајтед наскоро ќе одлучи за судбината на ТАЛЕНТИРАНИОТ ИГРАЧ
Мејсон Гринвуд до пред една година беше еден од најталентираните фудбалери во светот, момче со убава перспектива која ветуваше многу.
Британските медиуми пишуваа пофалби за Мејсон Гринвуд, пророкувајќи му светла иднина. Манчестер Јунајтед беше подготвен да му понуди нов договор од милион долари. И тогаш тој имаше ментално затемнување. Вишокот пари, одредена количина алкохол и бакханалија се претворија во најлошото нешто – демнењето на неговата девојка Хариет Робсон.
Беше толку страшно што на социјалните мрежи ги објави помодрените и крвави фотографии. Полицијата веднаш го привела насилникот. Мејсон Гринвуд беше обвинет за обид за силување и напад во јануари 2022 година. Двапати бил уапсен и приведен.
По одлуката на обвинителот да покрене кривична постапка против младиот фудбалер, Манчестер Јунајтед автоматски го суспендираше момчето кое израсна во нивната академија. Нему му беше забрането да тренира и да игра натпревари. Младиот Англичанец до пред една година вредел 50.000.000 евра, а сега неговата вредност според порталот Трансфермаркт е – 0.
Мејсон Гринвуд (21) неодамна беше ослободен од обвиненијата за силување, сексуален напад и смртни закани. Кривичниот предмет против него беше отфрлен. Клубот на Манчестер Јунајтед реши да разговара со сите фудбалери во клубот, за да донесе одлука за иднината на младиот напаѓач.
Според британските медиуми, многумина во клубот се загрижени за можното враќање на младиот Англичанец на тренинзите и натпреварите. Најмногу затоа што би можеле да ги загубат богатите спонзорски договори, бидејќи Мејсон Гринвуд со себе носи негативна конотација.
Американскиот производител на спортска опрема Nike минатата година го раскина спонзорскиот договор со Мејсон Гринвуд, а Elektronik art го отстрани од видео играта Fifa 22.
Мејсон Гринвуд, момче чии родители се од Јамајка, одигра 83 натпревари за Манчестер Јунајтед и постигна 22 гола. Тој има договор со клубот од милион долари до јуни 2025 година.
Доколку Манчестер Јунајтед не му даде втора шанса, сосема е извесно дека ќе мора да ја напушти Англија, бидејќи ниту еден премиерлигаш не сака играч со негативен имиџ во своите редови. Решението можеби ќе биде заминување во Турција, бидејќи за него е заинтересиран Фенербахче. Интер и Баерн, кои претходно го посакуваа, одамна се откажаа од трансферот.
