ВИДЕО | Ограбен познат британски пејач среде бел ден на улица во Лондон – напаѓачот извадил мачета долга половина метар и започнал да се заканува – штета 20.000 евра – погледнете!

Напаѓач вооружен со мачета го ограбил познатиот британски пејач и водител Алед Џонс на сред улица и му го украл часовникот вреден 20.000 евра!

На видео-снимката од местото на нападот се гледа како напаѓачот со качулка ракува со долга мачета додека бега од местото каде што бил украден скапиот рачен часовник „Rolex“ на ТВ ѕвездата. Млад човек во темно сина тренерка крие нешто што личи на огромен нож во панталоните додека бега. Видео-снимката е направена само неколку моменти откако Алед Џонс бил ограбен во населбата Чисвик, западен Лондон минатиот петок.

Алед Џонс (52 г.) бил со синот Лукас (18 г.) кога биле пресретнати од разбојник со мачета. Поранешниот пејач му го дал часовникот вреден околу 20.000 евра за да не се повреди некој од нив.

Погледнете го видеото ОВДЕ.

„Се шокирав кога ја видов големината на ножот. Еден млад човек кој лежерно трчаше покрај панталоните ја криеше мачетата. Бегаше од местото каде што беше ограбен Алед Џонс. Тој и неговиот син ги нема на видеото. Сигурно отишле по друг пат“, изјавил извор од истрагата за Daily Mail.

Алед Џонс го пријавил инцидентот во полиција и вели дека е „среќен“ што тој и неговиот син не се повредени и дека можеле „безбедно да се вратат дома“.

Тинејџер (16 г.) е уапсен и обвинет за грабежот и треба да му се суди следниот месец.

„16-годишник е обвинет за разбојништво. Обвинението следува по грабеж во Чисвик Роуд. Околу 17 часот и 40 минути, маж (52 г.) пријавил дека му пришло лице кое му се заканувало со мачета и му го барало часовникот“, соопштила полицијата за тамошните медиуми.