Во Сплит близнаци родени во различни години

Во сплитското породилиште во различни години се родија близнаци – постарата се роди во последната минута од минатата година, а во првата минута од Новата година, нејзината помлада сестра, која според лекарите е првото бебе родено во 2024 година во Хрватска.

Раководителот на Институтот за перинатологија, КБЦ Сплит, Дамир Рохе, рече дека ова е необична ситуација во која девојките близначки ќе слават роденден во различни денови, месеци и години. Началникот Рохе никогаш не доживеал ваква ситуација во својата пракса и вели дека ќе биде тешко да се повтори тој случај.