Германија сака да инвестира во гас и критични минерали во Нигерија

Германија е заинтересирана да инвестира во гас и критични минерали во Нигерија.

„Постои подготвеност да се инвестира во Нигерија, особено во критичните минерали“, рече германскиот канцелар Олаф Шолц, кој е во посета на субсахарска Африка.

Тој рече дека Берлин ги поздравува плановите на Нигерија да го прошири својот капацитет за извоз на течен природен гас (ЛНГ), пренесува Ројтерс.

Според порталот oilprice.com, заедничкото вложување на Shell, Eni и нигерискиот NNPC произведува околу седум отсто од глобалното снабдување со течен природен гас во Нигерија.

Германија е најголемиот потрошувач на природен гас во Европа, а од минатата година мораше да премине на ЛНГ, кој е значително поскап од гасоводот.

Берлин има два пловечки терминали за увоз на ЛНГ, а третиот моментално е во изградба и ќе започне со работа во првиот квартал на следната година.

Германската влада неодамна потпиша два долгорочни договори за снабдување со течен природен гас – со US Venture Global за 2,25 милиони тони LNG годишно и со Qatar Energy за два милиони тони гас годишно.