Дербито во Хернинг заврши без победник, се истакнаа Никола Портнер и Томаш Мрква
Најинтересниот натпревар од првото коло на денешната програма се одигра во Данска Хернинг каде ремизираа Чешка и Швајцарија, беше 17:17.
Кај Чесите најефикасен беше Лукас Морковски со пет гола, а Томаш Мрква имаше 12 успешни интервенции. На другата страна Лени Рубин постигна осум гола додека Никола Портнер забележа 14 одбрани.
Во вториот вечерен натпревар Египет ја декласираше Аргентина со резултат 39:25 во меч во кој јужноамериканската репрезентација доби дури три црвени картони.
Мохамед Санад беше најефикасен со шест гола, а Али Зеин додаде пет, а Акрам Јусри и Ахмед Каири мечот го завршија со по четири гола. Мохамед Али имаше десет одбрани.
На другата страна најефикасен беше Лукас Москариело со седум гола, а Леонел Масиел имаше осум успешни интервенции.
Холандија ја совлада Гвинеја, беше 40:23, а најдобар беше Рутгер тен Велде со девет гола, додека Матијас Доргело и Барт Равенсберген имаа вкупно 17 одбрани.
Португалците беа убедливи и против САД, победија со резултат 30:21. Најдобри кај Португалија беа Педро Портела и Мартим Коста со по 11 голови, а Диого Маркес имаше десет одбрани.
