Деца во Конго пронашле бомба и ја донеле дома: Бомбата експлодирала, при што загинале 15 луѓе

Најмалку 15 луѓе се убиени во источно Конго откако група деца донеле дома експлозивна направа што ја пронашле додека си играле, изјави водач на заедницата. Трагедијата се случи синоќа во селото Кјангици, кое се наоѓа во областа Масиси во провинцијата Северен Киву.

„Околу 20 часот по локално време, додека некои од жителите се обидуваа да откријат за што се работи, бомбата експлодираше“, изјави Телесфор Митондеке, претставник на граѓанска организација. Во последните две недели регионот беше сцената на непријателствата меѓу локалните вооружени групи кои се бореа за контрола над селата.

Многу цивили избегаа

Многу места веќе паднаа под контрола на патриотските сили за самоодбрана на Вазалендо, пишува Асошиејтед прес . Според водачите на локалната заедница, дел од стратешкиот град Китшанга сега е во рацете на младите патриоти, кои успеале да ги истераат бунтовниците М23.

Тековните судири предизвикаа паника меѓу населението, принудувајќи многу цивили да избегаат. Митондеке рече дека областа е „исполнета со бројни експлозивни направи оставени или поставени од борците“.