ЕВЕ ТОЧНО ШТО ПРЕБАРУВАЛО МОМЧЕТО УБИЕЦ ПРЕД СТРАШНИОТ МАСАКАР ШТО ГО ИЗВРШИ ВО УЧИЛИШТЕ: Една работа е особено страшна

На неговото биро полицијата пронашла и две белешки. На едната е мапа на движење низ училиштето, а на другата се имињата на 16 деца

Момчето (13) кое изврши масакр во основното училиште „Владислав Рибникар“ во Белград, какви што Србија не памети, речиси секојдневно на Google ги бараше најмасовните убијци ширум светот, дознава „Телеграф.рс “.

Бил воодушевен и од Ел Чапо. На 3 мај, ученик во седмо одделение уби девет ученици, еден чувар и рани уште седум лица.

– Се зачудивме кога дознавме дека неговата секојдневна потрага се однесуваше на тоа кои се најмасовните убијци ширум светот. Како убивале, што користеле, кои им биле жртви…Често го пребарувал и Ел Чапо барајќи нови информации за него – вели извор близок до истрагата.

Момчето гледало филмови и серии кои ги прикажувале страдањата на семејствата на убиените. Момчето го планирало злосторството еден месец . На неговото биро полицијата пронашла и две белешки. На едната е мапа на движење низ училиштето, а на другата се имињата на 16 деца. На списокот за ликвидација имало деца кои момчето не ги знаело. Се сомневаат дека ги сакал мртвите бидејќи во нешто биле подобри од него.

За тоа дека не е кривично одговорен дознал со истражување на Кривичниот законик на Србија.

По масакрот тој не покажал никакво каење. Му било се ладно.

Таа среда, на 3 мај, дошол на училиште со два пиштоли на татко му и 4 молотови коктели. Прво пукал во чуварот, потоа три девојчиња во холот, а потоа влегол во училницата и убил пет соученици, ја ранил професорката по историја и шест ученици.

Неофицијално, по масакрот, тој скокнал од прозорецот и повикал полиција .

Влегол во училиштето во 8 часот и 40 минути, а две минути подоцна повикал полиција.

Тој испукал 57 куршуми од CZ99 кон жртвите.

По злосторството уапсен е и неговиот татко. Нему му е одреден притвор.

Неофицијално, таткото рекол дека оружјето му било во шифриран сеф и дека не знае како го добило момчето.

Од станот во кој живееле, полицијата одзела на вештачење уште 5 пиштоли, компјутери и работи на момчето.

Момчето своите стрелачки вештини ги стекнало на стрелиштето каде што одел со својот татко.

Истрагата се води и против сопственикот на овој објект.

Психијатрија

Министерката за семејна грижа Дарија Кисиќ изјави дека седмоодделенецот кој го изврши масакрот во ОУ „Владислав Рибникар“ нема да биде ослободен од психијатрија.

Таа објасни дека момчето е на одделот за детска психијатрија и дека не може да се случи да биде пуштен.

Деца

Министерката за здравство Даница Грујичиќ вели дека девојчето кое е рането во главата починало, додека момчето кое има тешка повреда на рбетот е „целосно будно“.

„За жал, мораше да му се извади едниот бубрег, а има знаци на откажување на другиот бубрег. Останатите две момчиња се уште се во шок соба бидејќи имаат дренажа на градите.

Девојката со повреда на главата ќе биде оперирана на левото око и најверојатно ќе и биде изваден куршумот“, изјави Грујичиќ.