ИНЦИДЕНТ ВО ТУЛА Украински дрон ПАДНА врз зграда, има и повредени!
Нема жртви или поголема материјална штета.
Едно лице е полесно повредено откако соборено украинско беспилотно летало удрило во станбена зграда во рускиот град Тула, соопштија локалните власти.
Напад во кој учествуваа два дрона беше спречен над регионот Тула во раните утрински часови на 26 ноември. Противвоздушната одбрана на руското Министерство за одбрана ги собори двата беспилотни летала. Еден од нив оштетил станбена зграда во неконтролиран пад – се вели во соопштението за печатот на регионалниот гувернер Алексеј Џумин, пренесуваат медиумите.
Според соопштението, на еден од жителите на зградата му била укажана расекотина, а на три стана целосно искршени прозорци.
Министерството за одбрана на Русија претходно соопшти дека противвоздушната одбрана уништила 11 беспилотни летала над регионите Москва, Тула, Калушка и Брјанск, а нешто подоцна во друго соопштение наведе дека над овие четири региони биле соборени уште девет дронови.
Градоначалникот на Москва Сергеј Собјанин објави дека некои од соборените беспилотни летала летаат кон главниот град на Русија.
Според првичните информации, нема жртви или поголема материјална штета , рече Собјанин, пренесуваат медиумите.
