Компанијата која се прослави со вакцината против КОВИД-19 сака да интегрира вештачка интелигенција во своето истражување и развој на лекови

Целта, рече тој, е да се интегрира вештачката интелигенција во сите области на работа.

Германската фармацевтска компанија BioNTech ги објави плановите за стекнување на британската компанија за иновации InstaDeep за интегрирање на вештачката интелигенција во истражување и развој на лекови и вакцини.

Германската компанија му понуди на InstaDeep 362 милиони фунти (440 милиони долари) во готовина и нејзините акции.

BioNTech веќе има сопственички удел во Instadeep и соработува со британската компанија веќе три години. Заедно, тие развија систем за рано предупредување за можни високоризични варијанти на КОВИД-19.

Со преземањето на британскиот стартуп, германската компанија би добила околу 240 експерти и би обезбедила пристап до глобална мрежа на истражувачки партнери во областа на вештачката интелигенција, машинското учење и науката за податоци.

Стекнувањето ќе му овозможи на BioNTech да изгради целосно интегрирани капацитети на целата компанија во истражувањето, инженерството и развојот на имунотерапијата од следната генерација, соопшти компанијата во вторникот.

По купувањето, InstaDeep, како подружница на BioNTech, ќе работи на глобално ниво, а неговото седиште ќе остане во Лондон.

BioNTech има намера да го затвори купувањето до крајот на март, објави извршниот директор Угур Сахин на конференција во САД. Целта, рече тој, е да се интегрира вештачката интелигенција во сите области на работа.

Според Шахин, тренд во идната работа ќе биде развојот на вакцини и терапевтски пристапи кои ќе штитат од сериозни симптоми на болеста и ќе спречат „инфекции и симптоматски болести“.

Планираното преземање го нагласува растечкото значење на Британија за BioNTech, велат тие.