Кој би рекол дека наскоро ќе наполни 60 години: Бред Пит изгледа подобро од било кога (ФОТО)
Американската актерска суперѕвезда својот младешки изглед го должи на добрите гени, вежбањето, пилингот, инјекциите ботокс и неинвазивните естетски процедури.
Во декември холивудската актерска суперѕвезда Бред Пит ќе го прослави својот 60-ти роденден, а сите што ги виделе неговите фотографии направени во Силверстоун, каде се одржува трката за Големата награда на Формула 1, се прашуваат која е тајната на неговиот изглед. Бред Пит, всушност, според општото мислење, изгледа подобро од било кога, а тајната на младоста, според упатените, ја должи на добрите гени, редовното вежбање, пилингот, инјекциите ботокс и неинвазивните естетски процедури. Не е тајна дека по бурниот развод со Анџелина Џоли, кој емотивно го скрши, Бред Пит беше подложен на бројни процедури за да ги избрише трагите од страдањата и маките низ кои минуваше.
„Користеше филери, ботокс, хемиски пилинг, ласерски третмани за да ги коригира брчките околу очите, а исто така ја затегна кожата на лицето“, откри естетскиот хирург Лајл Бек, кој ги проучуваше фотографиите на Пит и додаде дека сето тоа се вообичаени третмани за подмладување. за оние кои можат да си ги дозволат.
Бред Пит е роден на 18 декември 1963 година во малото гратче Шони, Оклахома, а по студиите по новинарство на Универзитетот во Мисури, пристигнал во Холивуд со желба да се испроба во филмската фабрика на соништата. “Тој едноставно го има – тоа нешто, што обично се нарекува харизма. Кога ќе влезе во собата, атмосферата се менува, а кога ќе ве погледне со сините очи, не можете да останете рамнодушни”, изјави актерката Џина Дејвис, неговата партнерка во филмот „Телма и Луиз“ во 1991 година. Бред Пит и се заблагодари спомнувајќи ја во неговиот победнички говор при добивањето на Оскарот во 2020 година за неговата улога во филмот „Беше еднаш во Холивуд“ на Тарантино.
Тој дознал за придобивките од редовното вежбање додека се подготвувал за улогата во црната комедија на Дејвид Финчер „Fight Club“, за која ги вежбал сите мускули на своето тело кон крајот на деведесеттите. Тогаш беше во врска со својата колешка Џенифер Анистон со која се ожени во јули 2000 година, а нивниот развод го предизвика снимањето на филмот „Господин и госпоѓа Смит“, каде ја запозна Анџелина Џоли. Медиумите ја нарекоа славната холивудска двојка Бранџелин, а тие одгледаа шест деца Медокс, Пакс, Јахар, Шајло, Вивиен и Нокс.
