„Крадци, избори,…“: Голем број граѓани и активисти трета вечер по ред протестираат во Белград
Граѓаните и активистите на 20 декември трета вечер по ред се собраа во Белград пред седиштето на Републиканската изборна комисија (РИК) барајќи откажување на изборите во главниот град на Србија.
Според медиумите на српски јазик, пренесува Телеграфи, демонстрантите се собрале на покана на најголемата опозициска коалиција „Србија против насилството“.
Станува збор за коалицијата која на 18 декември поднесе барање до РИК за откажување на изборите во главниот град, тврдејќи дека победата на Српската напредна партија (СНС) на власт во Белград е резултат на изборна кражба.
Патот каде што е сместена Републичката изборна комисија во Белград е блокиран за сообраќај, а насобраните демонстранти извикуваат „Крадци“ и „Избори“.
#RIK #Izbori2023 #ProGlas #Beograd #ulica #caosvima @studentiPN @pro_glas_rs pic.twitter.com/dsc9s5re7r
— Jeremija (@savamalac) December 20, 2023
Инаку, потсетуваат медиумите, двајцата лидери на коалицијата „Србија против насилство“, Мариника Тепиќ и Мирослав Алексиќ, од 18 декември штрајкуваат со глад во просториите на РИК.
Тие порачаа дека ќе продолжат со штрајкот со глад додека не се исполнат барањата.
Во меѓувреме, претседателот на Републичката изборна комисија, Владимир Димитријевиќ, на седницата одржана на 20 декември повтори дека оваа институција не е надлежна да ги откажува и повторува изборите во Белград.
Потсетуваме дека Канцеларијата на ОБСЕ за демократски институции и човекови права (ОДИХР) на 18 декември објави дека изборите ги одбележале сериозни нерегуларности, злоупотреба на јавни средства, медиумска доминација на претседателот Александар Вучиќ, негативна кампања и ширење страв.
Uživo protest protiv izborne krađe – 2 #SrbijaProtivNasilja #Beograd #Srbija #caosvima #izbori2023 #protest #borba https://t.co/kIwCvMzonW
— Irregular Srb (@IrregularSrb) December 20, 2023
Исто така, дел од европратениците побараа независна истрага за сите нерегуларности пријавени за време на изборите одржани во Србија на 17 декември.
Соединетите Американски Држави ги повикаа и властите во Србија да ги истражат наводите за изборни нерегуларности од страна на меѓународните набљудувачи.
Граѓаните на Србија на 17 декември гласаа на парламентарни и локални избори во 65 градови и општини, вклучувајќи го и Белград.
СНС на претседателот Вучиќ прогласи победа на сите нивоа.
