МНОГУ ПУШАЧИ МИСЛАТ ДЕКА ЌЕ БИДАТ МНОГУ НЕРВОЗНИ АКО СЕ ОТКАЖАТ ОД ПУШЕЊЕ, НО ЕВЕ ШТО ВЕЛИ НАУКАТА: Со овие резултати можете да бидете посреќни!
Откажувањето од пушењето за многу пушачи најпрво значи борба против зависноста предизвикана од никотинот, присутен во цигарите. Сепак, помислата за откажување може да предизвика грижи за тоа каков ќе биде животот без пушење.
Верувањето дека цигарите смируваат е широко распространето, а некои медицински експерти реагираат дека лицата имаат нарушувања на менталното здравје по откажувањето од пушење – велат истражувачите од Универзитетот во Оксфорд и Бат, чија работа беше објавена во списанието JAMA Network на крајот на мај.
„Откажувањето од пушењето може да го подобри менталното здравје“
Нивното откритие дека откажувањето од пушење може да го подобри менталното здравје дополнително треба да ги охрабри пушачите кои сакаат да се откажат од оваа навика, но се загрижени за потенцијалните негативни последици.
– Престанувањето со пушење е поврзано со значителни подобрувања во депресијата кај луѓето со и без психијатриски нарушувања – забележала истражувачката група по спроведеното истражување на над 4.200 луѓе во 16 земји.
За многумина, може да биде тешко да ги напуштат рутините како напуштање на канцеларијата за неколку цигари и разговор во текот на денот или неколку релаксирачки доцни чадови пред спиење.
Загриженоста за влошување на менталното здравје по престанок со пушењето честопати ја покренуваат лекарите и пушачите – велат истражувачите.
Сепак, оваа загриженост не треба никого да обесхрабри, велат авторите на студијата.
„Прекинувањето со пушење е поврзано со намален ризик од смртност и подобрен квалитет на живот на која било возраст, при што нашата анализа додава на доказите дека тоа го подобрува и менталното здравје“, велат тие.
Учесниците во истражувањето биле пушачи со и без ментални нарушувања. Истражувањето ги разгледало перформансите на апстиненција помеѓу девет и 24 недели кај луѓето кои биле „мотивирани да се откажат“, но пушеле 10 или повеќе цигари дневно во изминатата година.
