Модриќ или Ѓоковиќ? Се знае кој заработил повеќе во кариерата. Лука е многу попопуларен на Интернет

Ова се двајца од најпопуларните спортисти во регионот со безброј освоени трофеи во богатата кариера

Хрватскиот капитен Лука Модриќ и српскиот тенисер Новак Ѓоковиќ се најпопуларните спортисти на овие простори, и двајцата имаат незаборавни кариери, секој во својот спорт. Не треба да трошиме многу зборови за Модриќ, кој со репрезентацијата освои два светски медали, додека во дресот на Реал понесе се што може да се освои во клупскиот фудбал. Од друга страна, Ѓоковиќ со години е најдобар светски тенисер, соборувајќи го рекордот на Роџер Федерер по број на Грен слемови.

Што се однесува до заработката низ кариерата, Модриќ и Новак заработија вистинско богатство. Во случајот на Модриќ, Капологија процени дека тој заработил околу 150 милиони американски долари бруто во текот на неговата фудбалска кариера, најмногу како играч на Реал, каде што беше најдолго, со статус на клупска легенда што го стекна од летото 2012 година до денес.

Само со заработката од турнирите Ѓоковиќ е во одбрано друштво бидејќи веќе успеа да надмине 150 милиони долари. Во моментов се работи за нешто повеќе од 167 милиони долари заработени пари од тенис. Секако, не ги броиме спонзорските договори кои не им недостигаат на двајцата познати спортисти.

Модриќ, на пример, е многу подобар кога се во прашање социјалните мрежи, Модриќ е пред Ѓоковиќ по бројот на луѓе кои го следат ако се погледнат податоците од Инстаграм и Фејсбук, со неговите 29,6 милиони наспроти 12,5 милиони на Ѓоковиќ на Инстаграм, а 22 милиони во споредба со 10 милиони на Фејсбук .

Што се однесува до Твитер, Ѓоковиќ има предност пред Лука, има 9,2 милиони наспроти 4,5 милиони на Модриќ.