Навивачите во страв поради Рафаел Надал! Шпанецот ги пропушта најважните турнири на земја: Настапот на Ролан Гарос под голем знак прашалник – што се случува ?

Од Австралија опен до Ролан Гарос. Периодот помеѓу овие два Грен слем турнири е временски период во кој најголемиот шпански тенисер на сите времиња Рафаел Надал потенцијално нема да стапне на тениските терени. 

Имено, според вчерашното пишување на весникот Kadena, има 90 отсто шанси тој да не игра на турнирот во Барселона, додека социјалната мрежа Твитер веќе се појавија информации дека нема да игра во Барселона.

Од тимот на Рафаел Надал до јавноста порачаа дека тој моментално минува низ тешкотии и дека не се чувствува целосно најдобро. Познато е и дека 36-годишникот одлучил да се врати на тениските терени кога ќе биде целосно подготвен за тоа. Шпанскиот неделник As пренесува дека под знак прашалник е и настапот на Мадрид Опен, кој се одржува една недела по Барселона.

Рафаел Надал го победуваше секое финале што го играше во Барселона, а импресивен е и неговиот процент на победа во поединечни натпревари на турнирот. Имено, Надал победи во 94,3 отсто од натпреварите кои ги одигра на теренот на Барселона, а последен пат трофејот го подигна во 2021 година.

Прашање е дали Надал ќе биде подготвен за најголемиот земјен турнир кој започнува на 28. мај. Доколку не настапи на Ролан Гарос, нема да може да ја одбрани титулата и ќе остане на 14 трофеи, бројка со која е и рекордер по бројот на освоени натпревари во Париз.